BİZİM FUTBOL

Bu gün 19 yaşadək futbolçular arasında Avropa çempionatının seçmə mərhələsinə start veriləcək. Yarış V qrupun oyunları ilə başlayacaq. Litvada baş tutacaq ilk qarşılaşmada Azərbaycan millisi meydana çıxacaq. Nazim Süleymanovun yetirmələri Avstriya ilə görüşəcək. Elit-raunda vəsiqə uğrunda mübarizə aparacaq komandamız ilk iki yerdən birini tutmağa çalışacaq. Çünki növbəti mərhələyə 13 qrupun hərəsində ilk iki yeri tutanlar, həmçinin ən yaxşı 3-cü yer sahibi vəsiqə əldə edəcək. Mariampol şəhərində eyni adlı klubun stadionunda baş tutacaq Azərbaycan – Avstriya matçı Bakı vaxtı ilə saat 15:00-da başlayacaq.

Qeyd edək ki, qrupun digər matçında Litva ilə Bosniya və Herseqovina yığmaları münasibətlərinə aydınlıq gətirəcəklər.

19 yaşadək futbolçular arasında Avropa çempionatı

V qrup

I tur, 4 oktyabr

15:00. Avstriya – Azərbaycan

Hakimlər: Conatan Lardot, Frederik Qodelayn (hər ikisi Belçika), Vitis Snarskis, Manfredas Lukyançiukas (hər ikisi Litva)

Hakim-isnpektor: Yan Veqeref (Hollandiya)

Mariampol. “Mariampol” stadionu