BİZİM FUTBOL

Topaz Premyer Liqasında 12 günlük fasilə başa çatır. Bu gün çempionatda II dövrəyə start veriləcək. VIII turun ilk oyun günündə 2 qarşılaşma baş tutacaq ki, hər ikisi paytaxt Bakıda oynanılacaq. Təbii ki, əsas diqqətlər “İnter Arena”dakı görüşə yönələcək. Çünki turnir cədvəlinin ilk iki pilləsində qərarlaşan “İnter”lə “Qəbələ” münasibətlərinə aydınlıq gətirəcəklər. Bu oyunda bir neçə seriyanın qırılması istisna deyil. Belə ki, hər hansı bir komandanın qələbəsi digərinin cari mövsümdəki ilk yenilgisi olacaq. Ardıcıl 5 turdu qələbələri sıralayan və hələ də qapısının toxunulmazlığını qorumağı bacaran “Qəbələ” həm bu seriyaları davam etdirmək, həm də liderliyini möhkəmlətmək əzmindədi. 5 oyundu meydanı qolsuz tərk etməyən “bankirlər” isə qələbə qazanaraq, liderlə aradakı xal fərqini minimuma endirməyə çalışacaq. Cari mövsüm “Azərsun Arena”da ilk oyununa çıxacaq “Qarabağ” “Sumqayıt”ı sınağa çəkəcək. Ağdam təmsilçisi “Qəbələ”nin “İnter” səfərində xal itirmək perspektivini nəzərə alaraq, liderə yaxınlaşmaq üçün mütləq qalib gəlməlidi. Maraqlıdı ki, Qurban Qurbanovun komandası bu gün 2 oyunluq qələbəsizlik seriyasına son qoymaq barədə düşünürsə, “Sumqayıt” son 2 turda olduğu kimi, yenə meydanı yenilmədən tərk etmək fikrindədi.

Topaz Premyer Liqası

VIII tur

15 oktyabr (şənbə)

16:00. “İnter” – “Qəbələ”

Hakimlər: Rəvan Həmzəzadə, Yaşar Abbasov, Akif Əmirəli, Coşqun Həsənov

Əlavə köməkçi hakimlər: Rəhim Həsənov, Orxan Məmmədov

AFFA nümayəndəsi: Rauf Hüseynli

Hakim-inspektor: Füzuli Nəcəfov

“İnter Arena”

I dövrədəki oyun – 0:0

“İnter”: 1. Səlahət Ağayev, 14. Zurab Xizanişvili, 33. Tərlan Quliyev, 3. Denis Silva, 22. İlkin Qırtımov, 4. Slavik Alxasov, 24. Fuad Bayramov, 15. Ruslan Abışov, 8. Nizami Hacıyev (k), 55. Ağabala Ramazanov, 11. Rauf Əliyev

Ehtiyat oyunçular: 13. Orxan Sadıqlı, 17. Abbas Hüseynov, 19. Mirhüseyn Seyidov, 10. Elnur Abdullayev, 9. Pərdis Fərcad-Azad, 88. Məmməd Quliyev, 2. Sərtan Taşqın

Baş məşqçi: Zaur Svanadze

“Qəbələ”: 22. Dmitri Bezotosnı, 6. Rəşad Sadiqov (k), 11. Asif Məmmədov, 15. Vitali Vernidub, 17. Məhəmməd Mirzəbəyov, 18. Baqali Dabo, 19. Filip Ozobiç, 21. Roman Hüseynov, 27. Teo Uiks, 34. Urfan Abbasov, 44. Rafael Santos

Ehtiyat oyunçular: 33. David Pietrzikeviç, 9. Sergey Zenyov, 10. Ruslan Qurbanov, 13. Murad Musayev, 20. Rikardinyo, 32. Rəşad Eyubov, 88. Tellur Mütəllimov

Baş məşqçi: Roman Qriqorçuk

18:30. “Qarabağ” – “Sumqayıt”

Hakimlər: Əliyar Ağayev, Zeynal Zeynalov, Rza Məmmədov, Namiq Hüseynov

Əlavə köməkçi hakimlər: Rauf Cabbarov, Ramil Diniyev

AFFA nümayəndəsi: Maşallah Əhmədov

Hakim-inspektor: Murad Məmmədov

“Azərsun Arena”

I dövrədəki oyun – 2:0

1.	Qəbələ	7	6	1	0	19-0	19
2.	İnter	7	4	3	0	12-7	15
3.	Qarabağ	7	4	1	2	15-5	13
4.	Sumqayıt	7	2	2	3	6-9	8
5.	Kəpəz	7	1	4	2	6-8	7
6.	Zirə	7	2	1	4	5-9	7
7.	Neftçi	7	2	0	5	6-16	6
8.	AZAL	7	0	2	5	3-18	2

Bombardir: Baqali Dabo (“Qəbələ”) – 7.