DÜNYA FUTBOLU

Noyabrın 23-də UEFA Çempionlar Liqasının qrup mərhələsi çərçivəsində “E”, “F”, “G” və “H” qruplarında beşinci turun oyunları keçirilib. Bu qruplarda keçirilən 8 qarşılaşmada qapılara ümumilikdə 28 qol vurulub.

“F” qrupunda oynanılan “Borussiya Dortmund”-“Legia Varşava” oyununda Çempionlar Liqası tarixində yeni rekord müəyyənləşib. Dortmundluların 8:4 hesablı qələbəsi ilə başa çatan qarşılaşma ən məhsuldar oyun kimi bu mötəbər turnirin tarixinə düşüb. Xatırladaq ki, bu göstərici üzrə bundan əvvəlki rekord nəticə 2003-cü il noyabrın 5-də “Monako”-“Deportivo” matçında (8:3) qeydə alınmışdı.

Bu qrupun digər oyununda “Sportinq” komandası doğma meydanda “Real Madrid”ə məğlub olub – 1:2.

Bununla da “F” qrupunda “Borussiya Dortmund” (13 xal) və “Real Madrid” (11 xal) növbəti mərhələyə vəsiqəni təmin ediblər. Hesabında 3 xal olan “Sportinq” və 1 xal toplayan “Legia Varşava” sonuncu turda UEFA Avropa Liqasına vəsiqə uğrunda mübarizə aparacaqlar.

“E” qrupunda “Monako” Londonun “Tottenhem” komandası üzərində qazandığı 2:1 hesablı qələbə ilə xallarının sayını 11-ə çatdırıb və qrupda liderliyini rəsmiləşdirərək növbəti mərhələyə vəsiqəni təmin edib. Moskvada keçirilən “CSKA”-“Bayer Leverkuzen” qarşılaşması isə heç-heçə başa çatıb – 1:1.

Bu qrupda “Bayer Leverkuzen” 7 xalla ikinci, “Tottenhem” isə 4 xalla üçüncü pillədədir. “CSKA”nın aktivində isə 3 xal var.

“G” qrupunda İngiltərə təmsilçisi “Lester Siti” doğma meydanda qrupun autsayderi “Brügge” üzərində 2:1 hesablı qələbə qazanıb. Digər oyunda isə “Kopenhagen”-“Portu” qarşılaşması qolsuz heç-heçə ilə başa çatıb.

Beləliklə, “G” qrupunda “Lester Siti” 13 xalla qrup birincisi kimi növbəti mərhələyə yüksəlib. “Portu” 8 xalla ikinci, “Kopenhagen” 6 xalla üçüncüdür. “Brügge”nin isə hesabında xal yoxdur.

“H” qrupunda “Olimpik Lion” səfərdə Zaqrebin “Dinamo” komandası üzərində minimal hesablı qələbə qazanıb. “Yuventus” isə səfərdə “Sevilya”nı 3:1 hesabı ilə məğlub edərək qrupda liderliyi ələ keçirib.

Beş turdan sonra bu qrupda “Yuventus” 11 xalla birinci, “Sevilya” 10 xalla ikincidir. Qrupda üçüncü olan “Olimpik Lion”un aktivində 7 xal var. Hesabında xal olmayan “Dinamo Zaqreb” isə qrupda sonuncu sıradadır.

UEFA Çempionlar Liqasının qrup mərhələsi çərçivəsində “A”, “B”, “C” və “D” qruplarında beşinci turun oyunları noyabrın 24-də keçiriləcək.

Çempionlar Liqası

Qrup mərhələsi, V tur

22 noyabr

E qrupu

MOİK (Moskva, Rusiya) – “Bayer” (Almaniya) - 1:1

Qollar: Naço, 76 (pen.) - Volland, 16

“Monako” (Fransa) – “Tottenhem” (İngiltərə) - 2:1

Qollar: Sidibe, 48, Lemar, 53 - Keyn, 52 (pen.)

1.	Monako	5	3	2	0	9:4	11
2.	Bayer	5	1	4	0	5:4	7
3.	Tottenhem	5	1	1	3	3:5	4
4.	MOİK	5	0	3	2	4:8	3

F qrupu

“Borussiya” (Dortmund, Almaniya) – “Legiya” (Polşa) - 8:4

Qollar: Kaqava, 17, 18, Nuri, 20, Dembele, 29, Roys, 32, 52, 90+3, Passlak, 81 - Priyoviç, 10, 24, Kuçarçik, 57, Nikoliç, 83

“Sportinq” (Portuqaliya) – “Real” (İspaniya) - 1:2

Qollar: Silva, 80 (pen.) - Varan, 29, Benzema, 87

1.	Borussiya	5	4	1	0	19:7	13
2.	Real	5	3	2	0	14:8	11
3.	Sportinq	5	1	0	4	5:7	3
4.	Legiya	5	0	1	4	8:24	1

G qrupu

“Lester” (İngiltərə) – “Brügge” (Belçika) - 2:1

Qollar: Okazaki, 5, Mahrez, 30 (pen.) - İzkerdo, 52

“Kopenhagen” (Danimarka) – “Porto” (Portuqaliya) - 0:0

1.	Lester	5	4	1	0	7:1	13
2.	Porto	5	2	2	1	4:3	8
3.	Kopenhagen	5	1	3	1	5:2	6
4.	Brugge	5	0	0	5	2:12	0

H qrupu

“Sevilya” (İspaniya) – “Yuventus” (İtaliya) - 1:3

Qollar: Parexa, 9 - Markizio, 45+1 (pen.) Bonuççi, 84, Mancukiç, 90+4

“Dinamo” (Zaqreb, Xorvatiya) – “Lion” (Fransa) - 0:1

Qol: Lakazet, 72

1.	Yuventus	5	3	2	0	9:2	11
2.	Sevilya	5	3	1	1	7:3	10
3.	Lion	5	2	1	2	5:3	7
4.	Dinamo	5	0	0	5	0:13	0