DÜNYA FUTBOLU

2016-cı il üçün Cənubi Amerika kuboku (Sudamericana) bugünlərdə təyyarə qəzasında həlak olan Braziliyanın “Şapekoense” komandasının üzvlərinin xatirəsinə ehtiram əlaməti olaraq adıçəkilən kluba veriləcək.Cənubi Amerika Futbol Konfederasiyası (CONMEBOL) bu barədə qərar qəbul edib.
Kubokun finalında “Şapekoense”nin rəqibi olan Kolumbiyanın “Atletiko Medelin” klubu bununla bağlı CONMEBOL-ə müraciət edib. Qurumun prezidenti Alejandro Dominqes təklifə müsbət yanaşıb və “Şapekoense” turnirin qalibi elan olunub. Bundan başqa, kluba 1 milyon dollar mükafat veriləcək.
Bu, “Şapekoense”nin tarixinəd ilk Sudamericana kubokudur.
Xatırladaq ki, “Şapekoense” “Atletiko Medelin”lə finalın ilk oyunu üçün Kolumbiyaya gedərkən qəzaya uğrayıb.