DÜNYA FUTBOLU

Dəhşətli təyyarə qəzasından sağ çıxan "Şapekoense"nin futbolçusu Helio Zampyer Netonunun vəziyyəti yaxşılaşmaq üzrədir. Neto 9 gün komada qaldıqdan sonra özünə gəlib. Neto artıq süni tənəffüs aparatı ilə deyil, özü rahat nəfəs ala bilir. Komandan yeni ayılan futbolçunun kolumbiyaylı həkimlərə verdiyi sual isə hər kəsi kədərləndirib. Qafqazinfo.az-ın “TV Qlobo”nun məlumatına istinadən bildirdiyinə görə, Neto ayılan kimi həkimlərdən “Oyun nəticəsi necə oldu? Qarşılaşmanı “Atletiko Nasional” qazandı? Mən oyunda zədələnmişəm?” suallarını soruşub.

Qeyd edək ki, noyabrın 29-da içində “Şapekoense” klubunun üzvlərinin də olduğu təyyarə Kolumbiyanın Medeylin şəhərinin yaxınlığında dağlıq bölgədə qəzaya uğrayıb. Qəza nəticəsində təyyarədəki 81 sərnişindən 77-si dünyasını dəyişib.