ŞAHMAT

Qətərin paytaxtı Dohada şahmatın rapid növü üzrə dünya çempionatı başa çatıb. 15 turdan ibarət olan bu mötəbər yarışda Azərbaycanı təmsilçilərindən ən yüksək nəticəni Şəhriyar Məmmədyarov göstərib. O, 10 xalla 4-cü yeri tutub.

Dünya çempionu adını isə ukraynalı Vasili İvançuk qazanıb. Rusiya şahmatçısı Aleksandr Qrişşuk 2-ci, norveçli Maqnus Karlsen isə 3-cü olub. Qeyd edək ki, mükafatçıların hər biri 11 xal toplayıb və yerlər əlavə göstəricilərə əsasən müəyyənləşib.

Çempionatdakı digər təmsilçilərimiz - Rauf Məmmədov 8,5 xalla 27-ci, Teymur Rəcəbov 8 xalla 36-cı, Arkadi Naydiç 8 xalla 45-ci, Sərxan Həşimov isə 6 xalla 88-ci olub.