BİZİM FUTBOL

Bu gün "Neftçi” PFK Antalya təlim-məşq toplanışı çərçivəsində dördüncü yoxlama oyununu keçirəcək. Rəqib Rusiyanın "Tosno” klubu olacaq. Bakı vaxtı ilə saat 18:00-dan etibarən "Bellis Deluxe” otelinin meydançasında baş tutacaq görüş Neftçi TV vasitəsilə canlı yayımlanacaq.

Türkiyə toplanışında bu vaxta qədər 3 oyun keçirmiş “Neftçi” “Sivasspor”la heç-heçə (0:0) edib, Özbəkistanın “Nasaf” (0:1) və Albaniyanın “Kukesi” (2:4) klubuna isə məğlub olub.

Qeyd edək ki, Elxan Abdullayevin komandası Türkiyə toplanışı çərçivəsində sonuncu yoxlama görüşünü isə yanvarın 19-da Rumıniyanın “Konkordia Kyajna” klubuna qarşı keçirəcək.