DÜNYA FUTBOLU

Braziliya millisinin üzvü Aleksandre Pato fa karyerasını Çində davam etdirəcək. "Vilyerreal"dan ayrılan hücumçu Çinin "Tianjin Quanjian" klubu ilə müqavilə imzalayıb. 27 yaşlı futbolçu Çində ilinə 5,4 milyon avro qazanacaq.

Pato "Milan" və "Çelsi" kimi klublarda çıxış edib.

Qeyd edək ki, "Zenit"in və Belçika millisinin futbolçusu Aksel Vitesl də bu yaxınlarda "Tianjin Quanjian" klubu ilə müqavilə imzalayıb. O Patonun bu keçidi ilə bağlı onu təbrik edərək yazıb: "Dost, "Tianjin"ə xoş gəlmisən!"