BİZİM FUTBOL

“Qəbələ” – “Qarabağ” – 1:4
(Ramil Hasanov, 7 // Nicat Abbasov, 36; İlyas Səfərzadə, 54; Vüqar Nadirov, 57; Elgün Nəbiyev, 68)
Bu gün Topaz Premyer Liqasında çıxış edən klubların əvəzedici heyətləri arasında Azərbaycan çempionatında XIX tura start verilib. Yarışın lideri “Qəbələ” öz meydanında “Qarabağ”la qarşılaşıb. Bu matçadək ardıcıl 9 qələbə qazanan “qırmızı-qaralar” ən yaxın izləyicisi ilə qarşılaşmaya da 3 xal iddiası ilə çıxıb. Görüşə fəal başlayan Hüseynqulu Quliyevin yetirmələri artıq 7-ci dəqiqədə hesabı da açıb. Ramil Hasanov mövsümdə 10-cu qolunu vurub. Bununla da o, çempionatın bombardirləri yarışında liderə şərik olub. Lakin komanda üstünlüyünü qoruya bilməyib. Qonaqlar fasiləyədək Nicat Abbasovun qolu ilə hesabda tarazlıq yaradıb – 1:1. Matçın ikinci yarısı isə Ağdam təmsilçisi üçün daha uğurlu alınıb. 3 qol vuran qonaqlar görüşdə 4:1 hesablı qələbə qazanıb.
Beləliklə, sonuncu dəfə ötən il oktyabrın 28-də X turun “Neftçi” ilə ev oyununda uduzan (0:1) “Qəbələ”nin 9 matçlıq qələbə seriyası qırılıb.