DÜNYA FUTBOLU

İspaniya La Liqasında 25-ci turun oyunları davam edir. Turun ən maraqlı hadisəsi “Barselona”nın liderliyi ələ keçirməsi olub. “Barselona” “Nou Kamp”da qəbul etdiyi “Sportinq Xixon”u 6:1 hesabı ilə darmadağın edərək xallarının sayını 57-yə çatdırıb.

“Real Madrid” isə “Santyaqo Bernabeu”da “Las Palmas” klubunu qəbul edib. “Real”ın asan qələbə qazanacağı gözlənilsə də, ilk hissə 1:1 hesabı ilə başa çatıb. İkinci hissənin əvvəlində madridlilərin heyətində Qaret Beylin qırmızı vərəqə alaraq meydanı tərk etməsindən sonra ev sahibləri qapılarında daha iki qol görüblər. “Real Madrid” yalnız qarşılaşmanın sonuna yaxın vurduğu iki qolla hesabı bərabərləşdirib – 3:3.

“Real”ın doğma meydanda xal itirməsindən sonra “Barselona” liderliyi ələ keçirib. “Real” 56 xalla ikinci sırada olsa da, “Barselona”dan bir oyun az keçirib.

1 mart

İspaniya La Liqası, 25-ci tur


“Osasuna” – “Vilyarreal” -1:4
Qol: Soriano 2 (0:1), Soldado, 27-pen. (0:2), Roberto Torres, 64-pen.(1:2), Borre, 74 (1:3), 79 (1:4)

“Barselona” – “Sportinq” - 6:1
Qol: Messi, 9 (1:0), Xuan Rodriqes, 10-avtoqol (2:0), Karlos Kastro, 21 (2:1), Luis Suares, 27 (3:1), Pako Alkaser, 49 (4:1). Neymar, 66 (5:1), Rakitiç, 88 (6:1)

“Selta” – “Espanyol” - 2:2
Qol: Aspas, 21. Vass, 30 - Moreno, 28. Piatti, 32.

“Qranada” – “Alaves” - 2:1
Qol: Vakaso, 38. Kuenka, 54 - Kamarasa, 57

“Real” – “Las Palmas” - 3:3
Qollar: İsko, 8 (1:0), Tana, 10 (1:1), Viera, 56 (1:2), Boatenq, 60 (1:3), Ronaldo, 86-pen (2:3), 89 (3:3)
Qırmızı vərəqə: Beyl, 48 (“Real”)

2 mart

23:45 "Deportivo" - "Atletiko"

00:30 "Sevilya" - "Atletik"



28 fevral

“Real Sosyedad” – “Eybar” - 2:2

“Malaqa” – “Betis” - 1:2

“Valensiya” – “Leqanes” - 1:0