VOLEYBOL

Qadın voleybolçular arasında dünya çempionatının II təsnifat mərhələsinin təqvimi dəqiqləşib. Bakıda baş tutacaq E qrupunun matçlarının da başlama günü, saatı və keçirilmə yeri açıqlanıb. Belə ki, matçlar yenidən Bakı İdman Sarayında təşkil olunacaq. Qrupunun ilk oyununda Danimarka və Hollandiya yığmaları üz-üzə gələcəklər. Azərbaycan yığması isə I turu Norveçə qarşı keçirəcək. Komandamız ardınca Ukrayna, Danimarka, İsrail və Hollandiya ilə gücünü yoxlayacaq. Millimizin bütün oyunları saat 17:30-da start götürəcək.

Qeyd edək ki, II təsnifat mərhələsində 36 yığma 6 qrupda mübarizə aparacaq. Qrup qalibləri birbaşa mundiala çıxacaqları halda, ikinci yerlərin sahibləri III təsnifat mərhələsində pley-off oynayacaqlar. Bu mərhələ 6 komandanın iştirakı ilə dairəvi sistemlə 1 dövrədən ibarət olacaq. İlk 2 yeri tutacaq millilər yarışı final mərhələsində davam etdirəcəklər.

E qrupu

30 may

15:00. Danimarka – Hollandiya

17:30. Azərbaycan – Norveç

20:00. İsrail – Ukrayna

31 may

15:00. Hollandiya – Norveç

17:30. Ukrayna – Azərbaycan

20:00. Danimarka – İsrail

1 iyun

15:00. Norveç – Ukrayna

17:30. Azərbaycan – Danimarka

20:00. İsrail – Hollandiya

2 iyun

15:00. Danimarka – Norveç

17:30. İsrail – Azərbaycan

20:00. Hollandiya – Ukrayna

3 iyun

15:00. Norveç – İsrail

17:30. Azərbaycan – Hollandiya

20:00. Ukrayna - Danimarka