BİZİM FUTBOL

“Futbolu pul idarə etməməlidi”. Bunu UEFA-nın prezidenti Aleksandr Çeferin deyib. Bu gün Finlandiyanın paytaxtı Helsinkidə UEFA-nın 41-ci Növbəti Konqresi keçirilir. Qitənin ali futbol qurumunun rəhbəri tədbirin əvvəlində çıxış edib: “Futbolun dəyərlərinə hörmət etmək lazımdı. Pulları hesabına bizdən güclü olduğunu düşünənlərin şantajına uymamalıyıq. Keçmişdən qorxmamalı, irəli getməkdən çəkinməməliyik. Futbol narahat dünyada insanlara xəyal qurmaq şansı yaradır. Futbol arzusu hələ də yaşayır. Uşaqların, xüsusilə də, balaca qızların futbola gəlişi uğurlu gələcəyinin açarıdı. Bu, uzunmüddətli investisiyadı”. Çeferin söhbət əsnasında UEFA-nın ona üzv olan hər assosiasiyaya əlavə 1 milyon avro ödəyəcəyini də açıqlayıb.