BİZİM FUTBOL

Futbol üzrə XXV Azərbaycan Kubokunun finalçıları müəyyənləşdi. Bu gün keçirilən yarımfinal mərhələsinin cavab oyunlarından sonra “Qəbələ” və “Qarabağ” klubları adlarını finala yazdırdılar. Topaz Premyer Liqasında çempionluq uğrunda mübarizə aparan komandalar kubok uğrunda həlledici görüşdə də üz-üzə gələcəklər.
Yarımfinal mərhələsində “Qəbələ” Bakının “İnter” klubunu (3-1; 2:0), “Qarabağ” isə “Neftçi”ni (2:0; 0:0 ) mübarizədən kənarlaşdırdılar.
Qeyd edək ki, XXV Azərbaycan Kubokunun final görüşü 5 may tarixində Naxçıvan şəhər stadionunda baş tutacaq.