DÜNYA FUTBOLU

Bu gün UEFA Avropa Liqasında yarımfinalın püşkü atılacaq. "apasport"un məlumatına görə, qitənin ikinci dərəcəli klub turnirində son 4-ə qalan komandalar final yolundakı rəqiblərini tanıyacaqlar.Mərasim İsveçrənin Nyon şəhərində keçiriləcək və Bakı vaxtı ilə saat 15:00-da start götürəcək. Avroliqanın yarımfinalında aşağıdakı komandalar mübarizə aparacaqlar.

“Ayak” (Amsterdam, Hollandiya)

“Selta” (Viqo, İspaniya)

“Lion” (Fransa)

“Mançester Yunayted” (İngiltərə)

Püşkatma açıq şəkildə keçiriləcək və bütün komandalar bir-birilərinə rəqib ola bilərlər.

Qeyd edək ki, yarımfinal ilk görüşləri mayın 4-də, cavab qarşılaşmaları isə bir həftə sonra oynanılacaq. Turnirin final matçı isə mayın 24-də İsveçin paytaxtı Stokholmda, “Friends Arena in Solna”da keçiriləcək.