BİZİM FUTBOL

“Nəticədən razı qaldım. Lakin səhvlərimiz var idi. Hər iki komandanın qol vurmaq şansları oldu. Heç-heçəni ədaləti nəticə sayıram”. Bunu 23 yaşadək futbolçulardan ibarət Azərbaycan millisinin baş məşqçisi Yaşar Vahabzadə deyib. IV İslam Həmrəyli Oyunlarının qrup mərhələsi çərçivəsində Kamerunla qolsuz heç-heçədən sonra fikirlərini bölüşən Vahabzadə bildirib ki, əsas məqsəd qrupdan çıxmaqdı: “Bu cür turnirlərdə ilk matçda uduzmamaq böyük önəm kəsb edir. A qrupunda yer alan Mərakəş yığmasının da oyununu bəyəndim. Qarşıdakı oyunlarda lazım olan xalları toplamağa çalışacağıq”.