FİFA Konfederasiyalar Kuboku-2017-də yarımfinal mərhələsinə start veriləcək. Bu gün ilk finalçının adına aydınlıq gələcək.
Portuqaliya yığması həlledici matça yüksəlmək üçün Çili ilə üz-üzə gələcək. Rusiyaya ideal heyətlə yollanan komandalar turnirin əsas favoritləri hesab edilirdilər. A qrupunda mübarizə aparan Kriştianu Ronaldolu Portuqaliya ilk görüşdə Meksika ilə qollu bərabərə (2:2) qaldıqdan sonra Rusiya (1:0) və Yeni Zelandiya (4:0) üzərində qələbə qazanaraq, yarımfinala lider kimi adlayıb.
Çili isə B qrupunu ikinci pillədə başa vurub. Cənubi Amerika təmsilçisi Almaniya və Avstraliya ilə (1:1) heç-heçə və Kamerun üzərində (2:0) qalibiyyət sayəsində yoluna davam edib.
FİFA Konfederasiyalar Kuboku-2017
Yarımfinal
28 iyun
22:00. Portuqaliya – Çili
Baş hakim: Alireza Faqani (İran)
Kazan. “Kazan Arena”