cümə, 29 mart 2024

DÜNYA FUTBOLU

“Möcüzə mümkündürsə, edəcəyik” - Şenol Güneş

20.02.2018 11:54 Oxundu 3142

Türkiyəni Çempionlar Liqasında təmsil edən “Beşiktaş” bu gün turnirin 1/8 final mərhələsində səfərdə Almaniyanın “Bavariya” klubu ilə qarşılaşacaq. Oyundan öncə İstanbul klubunun baş məşqçisi Şenol Güneş mətbuat konfransında matçla bağlı düşüncələrini səsləndirib: ““Bavariya” bu mövsüm evində uduzmayan komandadır. Beynəlxalq arenada çıxış edən ən yüksək səviyyədə olan klubdur. Qrup oyunlarında öz oyunumuzu nümayiş etdirərək nəticə qazanmağa çalışdıq. Sabah da elə olacaq. Vurduğumuz qol və qollar bizə üstünlük yaradacaq. Bu çətin olacaq, amma öhdəsindən gəlməyi bacaracaq heyətimiz var. Futbolda hər şey baş verə bilər. Bir sürpriz və möcüzə mümkündürsə, onu etməyə çalışacağıq. Ümid edirəm ki, uğurlu çıxış edəcəyik”. Qeyd edək ki, sözügedən oyun Bakı vaxtıyla saat 23:45-də start götürəcək.Qafqazinfo