DÜNYA FUTBOLU

Avropa Liqasının 2018/19 mövsümünün ilk mərhələləri üçün səbətlərin ilkin tərkibi açıqlanıb.

Apasport.az saytının məlumatına görə, yarışa I təsnifat mərhələsindən başlayacaq Azərbaycan klublarının da səbəti məlum olub.

Belə ki, hər üç təmsilçimiz püşkatma zamanı səpələnmişlər səbətində yer alacaq. Buna səbəb də ölkəmizin UEFA reytinqinin yüksək olmasıdı. Məsələ ondadı ki, bu turnirdə iştirak edə biləcək təmsilçilərimizdən yalnız “Qəbələ”nin şəxsi əmsalı (5,250) ümumi reytinqdən gələn faizdən yüksəkdi. Buna görə də digər komandalar həmin ümumi reytinqdən gələn payla kifayətlənəcək. Həmin 3,825-ə bərabər göstərici isə hər üç komandanı səpələnmişlər səbətinə daxil olması üçün yetərlidi. Bir sözlə, həm “Qəbələ”, həm də nisbətən aşağı əmsallı “Neftçi”, “Keşlə”, “Sumqayıt” və “Zirə” Avropa Liqasına yollansa, ilk raundda asan rəqiblə düşmək şansı qazanacaq.

Ümumilikdə isə I təsnifat mərhələsində 94 komanda mübarizə aparacaq. Onlardan 7-si ilkin mərhələnin qalibləri, 87-si isə mübarizəyə yeni qoşulanlardı.

Artıq yarışa bu raunddan başlayacaq 87 klubdan 33-nün adı dəqiqləşib. Onlardan 14-ü Azərbaycan klubları ilə birlikdə səpələnmiş, 14-ü isə səpələnməmişdi. Digər 5 komandanın səbəti isə hələ dəqiqləşməyib. Səpələnməmiş 14 komanda təmsilçilərimiz üçün potensial rəqiblərdi.

Azərbaycanın 3 klubu kimi daha 30 komandanın adı bilinməsə də, səbəti bəllidi. Onlardan 18-i səpələnmiş, 12-si səpələnməmişlərdən olacaq. Sonuncuların da yer aldığı mümkün rəqiblərimiz sırasına ilkin mərhələnin iki qalibi də qoşulacaq.

Həmin raundun digər 5 qalibi, həmçinin ölkəsi bəlli, klubu qeyri-müəyyən olan 21 komanda da hələ hansı səbətdə yer alacağını bilmir.

I təsnifat mərhələsindəki mümkün rəqiblərimizin siyahısına baxsaq, burada komandalarımızın dişinə görə olan iştirakçılar qərarlaşıb. İyunun 19-da atılacaq püşk Ermənistan təmsilçisini klublarımızla üz-üzə qoya bilməz. Əvvəllər klublarınızın mübarizədən kənarlaşdırdığı tanış “Samtredia” və “Çixura”nın yer aldığı siyahıda təmsil olunacaq ölkələrin çoxu dəfələrlə komandalarımız qarşısında aciz qalıb. Bu üzdən də hər üç komandamız güclülər səbətində yer aldığından ilk raundu keçməkdə problem yaşamamalıdı. Onların yer aldığı cütlərin II təsnifat mərhələsinin püşkatmasında hansı səbətə düşəcəyi barədə ehtimallar yürütmək isə hələ tezdi.

Avropa Liqası

I təsnifat mərhələsi

Səpələnmişlər

“Molde” (Norveç)

“Hafnarfyordur” (İslandiya)

“Dandalk” (İrlandiya)

“Jalgiris” (Litva)

“Anartosis” (Kipr)

“Dinamo” (Tiflis, Gürcüstan)

“Nomme Kalyu” (Estoniya)

“Haken” (İsveç)

MOİK (Bolqarıstan)

“Ventspils” (Latviya)

“Şaxtyor” (Belarus)

“Ordabası” (Qazaxıstan)

“İrtış” (Qazaxıstan)

“Kayrat” (Qazaxıstan)

Azərbaycan – 3 komanda

Serbiya – 3 komanda

Bolqarıstan – 2 komanda

Belarus - 2 komanda

Polşa - 2 komanda

Danimarka - 2 komanda

İsrail – 2 komanda

Xorvatiya - 1 komanda

Kipr – 1 komanda

Şotlandiya - 1 komanda

Rumıniya - 1 komanda

İsveç – 1 komanda

Səpələnməmişlər

“Petrokub” (Moldova)

“Çixura” (Gürcüstan)

“Samtredia” (Gürcüstan)

“Vestmannaeyar” (İslandiya)

“Liepaya” (Latviya)

“İlves” (Finlandiya)

“KuPS” (Finlandiya)

“Lahti” (Finlandiya)

“Derri” (İrlandiya)

“Şemrok Rovers” (İrlandiya)

“Riqa” (Latviya)

“Stimbras” (Litva)

“Kolreyn” (Şimali İrlandiya)

“Runavik” (Farer adaları)

Albaniya – 2 komanda

Monteneqro – 2 komanda

Moldova – 1 komanda

Makedoniya – 1 komanda

Macarıstan – 1 komanda

Bosniya və Herseqovina – 1 komanda

Estoniya – 1 komanda

Ermənistan – 1 komanda

Lüksemburq – 1 komanda

Uels – 1 komanda

İlkin mərhələnin 2 qalibi

Qeyri-müəyyənlər

“Styarnan” (İslandiya)

“Sarpsborq” (İsveç)

“Levadiya” (Estoniya)

“Vaduts” (Lixtenşteyn)

“Milsami” (Moldova)

Sloveniya – 3 komanda

Slovakiya – 3 komanda

Bosniya və Herseqovina - 2 komanda

Macarıstan - 2 komanda

Makedoniya - 2 komanda

Ermənistan - 2 komanda

Lüksemburq - 2 komanda

Şimali İrlandiya - 2 komanda

Monteneqro - 1 komanda

Malta – 1 komanda

Albaniya - 1 komanda

İlkin mərhələnin 5 qalibi