DÜNYA FUTBOLU

Futbol dünyasının meydançadan kənar tərziylə barəsində ən çox danışılan oyunçularından biri olan Devid Bekhem keçmiş günlərinin axtarışındadır.

Cempion.az “Sözcü” qəzetinə istinadla xəbər verir ki, meydançadakı qabiliyyəti qədər imici ilə də hər zaman gündəmdə olan ingiltərəli futbolçu son görünüşü ilə pərəstişkarlarını təəccübləndirib.

Mayamidə görünən D. Bekhemin saçlarının olduqca seyrək və tökülmüş vəziyyəti sosial şəbəkələrdə sürətlə yayılıb. Son vaxtlar tez-tez papaq qoyan D. Bekhemin saç əkdirmə əməliyyatı keçirdiyi iddia edilirdi. 43 yaşlı keçmiş futbolçunun son fotoşəkilləri bu iddiaları xeyli gücləndirib.