DÜNYA FUTBOLU

“Barselona”nın baş məşqçisi Valverde eksperimetlərini davam etdirir. Messi və Buskets “Atletik” ilə oyunda start heyətinə salınmamışdı. Görünü,r Valverde komandası üçün, adətən, asan rəqib olan “Atletik”i asn keçəcəyinə inanırmış. Amma o istədiyinə nail ola bilmədi. “Atletik” inamla müdafiə olunub kəskin əks hücumlarda müvəffəqiyyət qazanmaq istəyirdi. Oyunun 41-ci dəqiqəsində qonaqlar istəklərinə nail olub Ter Şteygini məyus edə bildilər – 1:0. İkinci hissədə taktikasının alınmadığını görən Valverde Messi və Busketsi döyüşə atdı. Lakin “Atletik”in müqavimətini qırmaq o qədər də asn olmadı. “Barselona” yalnız oyunun qurtarmasına 6 dəqiqə qalmış məğlubiyyətdən xilas ola bildi. Meydançaya yenicə çıxan Munir Əl-Həddadi fərqləndi. Beləliklə, “Barselona” son üç oyunda çəmi 2 xal toplayıb. Kataloniya klubu hələlik liderliyini qorusa da, bir qədər sonra başlayacaq “Real”-“Atletiko” oyunundan sonra madridlilər vahid lider ola bilərlər.