Millimizin və "Krılya Sovetov"un hücumçusu Ramil Şeydayevin 23 yaşı tamam olur. Bununla əlaqədra milli futbolçumuz "Krılya Sovetov"un "youtube" kanalına müsahibə verib. Cempion.az müsahibənin bir hissəsini sizə təqdim edir.
- Sonuncu dəfə kimə zəng vurmusunuz?
- Atama. Hər oyundan sonra ailəmlə əlaqə saxlayıram. Evdə 2 balaca bacım var. Onlarla da danışıram, məktəbdəki, baxçadakı vəziyyətləri ilə maraqlanıram.
- "WhatsApp"da son mesajınız nə olub?
- Dostlarımla "Yuventus" - "Atletiko Madrid" oyununu müzakirə etmişik.
- Hansı musiqiləri bəyənirsiniz?
- Son vaxtlar, ümumiyyətlə, musiqiyə qulaq asmıram. Axırıncı dəfə musiqiyə 2017-ci ildə qulaq asmışam.
- Futbol olmasaydı...
- Futbolu seçməsəydim, gələcəyimin necə olacağını biləzdim. Özümü boksda və ya basketbolda sınayardım.
- Sonuncu dəfə zəngli saatı neçəyə qurmusunuz?
- Zəngli saat mənə tez-tez lazım olur. Hər səhər saat 6-da yuxudan durub, namaz qılıram, sonra yatıram. Gündə 5 dəfə namaz qılıram.