DÜNYA FUTBOLU

"Barselona" bu mövsüm icarə əsasında "Başakşehir"ə göndərdiyi oyunçusu Arda Turanı satmaq istəsə də futbolçunun intizamsızlığına görə heç bir klubun onu almaq istəmədiyini düşünərək təcrübəli yarımmüdafiəçini yenidən bələdiyyə komandasına təklif edib. Lakin klub rəhbərliyi Ardanın maddi ehtiyaclarını qarşılaya bilməyəcəklərini və onunla yollarını ayıracağını "Barselonaya" bildirib. Cempion.az  xəbər verir ki, Kataloniya təmsilçisi alternativ variant kimi Ardanı sadəcə maaşının ödənilməsi şərti ilə "Qalatasaray"a təklif edəcək. "Sarı qırmızı"lı komandanın rəhbərliyi və məşqçilər heyəti Ardanı qəbul edəcəyi təqdirdə o, gələn mövsümdən "Qalatasaray"ın uğurları üçün tər tökəcək.