BİZİM FUTBOL

“Qarabağ” ötən yay komandadan ayrılan İbrahim Şehiçi geri qaytara bilər.

Cempion.az-a qol.az-a istinadən xəbər verir ki, “Ərzurumspor”un qapıçısı ilə hazırda “Kasımpaşa” və “Trabzonspor”la yanaşı, Ağdam klubu da yaxından maraqlanır. Ancaq onun hazırkı komandasında qalacağı da istisna olunmur. 

“Ərzurumspor”un prezidenti Hüseyn Ünes Türkiyə mətbuatına açıqlamasında 5 legionerin komandanı tərk edəcəyini deyib. Ancaq o, bosniyalı qolkiperi saxlamaq istədiklərini bildirib.

Qeyd edək ki, “Ərzurumspor”la 2020-ci ilin yayına qədər müqaviləsi olan Şehiç 2013-2018 mövsümlərində “Qarabağ”da çıxış edib.