BİZİM FUTBOL

"Uzun illər futbol oynamışam, bir çox böyük məşqçilərlə işləmişəm".


Cempion.az xəbər verir ki, bu sözlər veteran futbolçu. AFFA-nın Texniki Direktorunun müavini Yunis Hüseynova məxsusdur.
 

Vaxtilə millinin və "Neftçi"nin formasını geyinmiş veteran futbolçu "İdman" TV-də efirə gedən "Favorit" verlişinin qonağı olub. O, rəhbərliyi altında oynadığı məşqçilərlə bağlı maraqlı fikirlər səsləndirib: "Gördüyüm ən yaxşı məşqçi rəhmətlik Ruslan Abdullayevdir. Onun haqda yalnız yaxşı sözlər demək mümkündür. Rəhbərliyi altında oynadığım ən pis məşqçi isə Vaqif Sadıqovdur. O, kor-koranə məşqlər keçirdi. Bunu mən çox sonralar özüm üçün dəqiqləşdirdim. Bilirsiz ki, bütün məşqçilik kateqoriyalarını Ukraynada oxumuşam. Özümüzə görə savadımız və təcrübəmiz var. Həmin kurslarda oxuyarkən çox şey öyrəndim. Analiz etdim ki, Vaqif Sadıqov vaxtilə bizə düzgün məşq keçmirdi. Sadıqov çox yerdə işləyib, amma heç yerdə nəticə qazana bilməyib".