çərşənbə axşamı, 19 noyabr 2019

DÜNYA FUTBOLU

Penaltini vura bilməyən futbolçu heyətdən kənarlaşdırıldı

09.11.2019 20:12 Oxundu 166


"Brügge"nin futbolçusu Mbaye Dian komandasının qarşıdakı matçlarından kənarlaşdırılıb.

Cempion.az Belçika mətbuatına istinadən xəbər verir ki, baş məşqçi Filipp Klemanın qərarı əsasında seneqallı hücumçuya böyük məbləğdə cərimə də kəsilib.

Xəbərdə bildirilir kİ, səbəb kimi 28 yalı hücumçunun səfərdə PSJ ilə Çempionlar Liqasının qrup mərhələsinin 4 tur matçının 76-cı dəqiqəsində penaltidən yararlanmaması göstərilib. Komandası 0:1 hesabı ilə geridə olduğu vaxt Dian penalti qazanıb. Zərbəni kapitan Hans Vanaken yerinə yetirmək istəsə də, Dian buna imkan verməyib. Onun zərbəsini isə rəqib qapıçı asanlıqla dəf edib.

Oyundan sonra iki oyunçu arasında münaqişə baş verib. Vanakenin atdığı su qabına afrikalı forvard cavab verməyib. Daha sonra kapitanın klub rəhbərliyi qarşısında "Ya Dian gedəcək, ya da mən" tələbi qoyduğu iddia edilir. Baş məşqçi isə afrikalı oyunçunu Belçika çempionatında növbəti turun "Antverpen"lə matçına aparmamağı qərara alıb.