çərşənbə axşamı, 10 dekabr 2019

BİZİM FUTBOL

Qurban Qurbanov: "Рsixoloji gərginlik var"

03.12.2019 01:19 Oxundu 168


“Futbolçularımı təbrik edirəm. Çox vacib qələbə oldu”.

Cemрion.az xəbər verir ki, bu sözləri “Qarabağ”ın baş məşqçisi Qurban Qurbanov Azərbaycan Premyer Liqasının 13-cü turunda “Sabah”a 1:0 hesabı ilə qalib gəldikləri oyundan sonra keçirilən mətbuat konfransında deyib.

"İstədiyimiz kimi oyun göstərmək mümkün deyildi. Oyunçular çox əziyyət çəkdilər. Rəqibin də yeni baş məşqçisinə uğurlar arzulayıram. Rəqibin fərqli oyun üslubu var idi. Məncə, bunu qarşıdakı oyunlarda daha aşkar görəcəyik. Onların yeni sistemdə tam oyunlarını göstərməyə vaxt lazımdır" - deyə o bildirib.

Q.Qurbanov "avrokubok matçından sonra komanda gərginliyi üzərindən ata bilibmi?" sualını belə cavablandırıb: "Çox yadımıza salsaq, ata bilməyəcəyik. Psixoloji gərginlik var, bunu hiss edirəm. Hər halda, qarşıdakı oyunlara baxmalıyıq".