BİZİM FUTBOL

“Kayserispor"un yeni baş məşqçisi Robert Prosineçki “Qarabağ”ın transfer gündəmində olduğu iddia edilən Pedro Enrikenin satılmağına icazə verməyib.

Cempion.az Türkiyə mətbuatına istinadən xəbər verir ki, xorvatiyalı mütəxəssis Enrikedən başqa, Bernard Mensah və Adem Kravetsin də komandada qalmalı olduğunu klub rəhbərliyinə bildirib.

Qeyd edək ki, Pedro ötən ilin sonlarında Bakıya gəlmiş və "Qarabağ"ın matçını stadiondan izləmişdi. 29 yaşlı oyunçunun "Qarabağ"la danışıq apardığı haqda xəbərlər yayılmışdı.

Xatırladaq ki, braziliyalı yarımmüdafiəçi 2017/18 mövsümündə "Qarabağ"da icarə əsasında çıxış edib.