cümə, 29 mart 2024

DÜNYA FUTBOLU

"Mançester Siti"in çempionluğu "Liverpul"a veriləcək?

19.02.2020 18:30 Oxundu 451


UEFA-dan 2 illik cəza alan "Mançester Siti"nin 2013/14 mövsümündə İngiltərə Premyer Liqasındakı çempionluğu alına bilər.

Cempion.az xəbər verir ki, "şəhərlilər" 2012-2016-cı illərdə saxta sponsor anlaşmaları ilə UEFA-nın Maliyyə Feyr-Pley qaydalarını pozub.

Bu cəza ilə əlaqədar Premyer Liqa rəhbərliyi UEFA-nın raportlarını istəyib. Cəzaya səbəb olan 4 illik müddətdə "şəhərlilər" 1 dəfə İngiltərə çempionu olub.

Buna görə də komandanın çempionluğunun əlindən alınacağı ehtimalları artıb. Məlumata görə, komandanın bir neçə xalı silinəcək.

Həmin mövsüm "Mançester Siti" "Liverpul"u 2 xal qabaqlayaraq, çempion olmuşdu. Əgər Mançester təmsilçisinin 3 xalı silinsə, həmin mövsümün qalibi "Liverpul" elan olunacaq.