şənbə, 03 may 2025

DÜNYA FUTBOLU

İngiltərədən Starricə sərt cəza

02.03.2020 23:30 Oxundu 403


İngiltərə milli komandasının və Türkiyənin "Trabzonspor" klubunun sabiq hücumçusu Deniel Starric futboldan uzqlaşdırılıb.
Cempion.az İngiltərə Futbol Assosiasiyasının rəsmi saytına istinadən xəbər verir ki, cəza iyunun 17-dək qüvvədə qalacaq.

2019-cu ilin iyununda FA Starrici pul qoyuluşu barədə qaydaları pozmaqda günahkar bilib. Nəticədə hücumçu 4 həftəsi şərti olmaqla, 6 həftə müddətinə diskvalifikasiyaya və 75 min funt sterlinq (83,5 min avro) cərimə olunub. Təşkilatın apellyasiya komissiyası qərara yenidən baxıb və əvvəllər rədd edilmiş daha 2 qayda pozuntusu epizodunu sübuta yetirib. Beləliklə, Starricin cəzası sərtləşdirilib. Kənarlaşdırılmadan əlavə, o, 150 min funt sterlinq (170 min avro) cərimə ödəyəcək.

Qeyd edək ki, 2018-ci ilin yanvarında Deniel Starric İspaniya "Sevilya"sı ilə danışıqlar apardığını söyləyərək, qardaşı Leondan bu keçidə pul qoymasını xahiş edib. Yekunda o, İspaniyaya yox, İngiltərə "Vest Bromviç"inə qısamüddətli icarəyə yollanıb. "Trabzonspor" ötən həftəsonu Starriclə müqaviləni qarşılıqlı razılıq əsasında pozub.