DÜNYA FUTBOLU

UEFA prezidenti Aleksander Çeferin İtaliyanın "İnter" və "Roma" klublarına müraciət edib.
Cempion.az qrumun rəsmi sayıtına istinadən xəbər verir ki, sloveniyalı futbol funksioneri A Seriyası təmsilçilərindən Avropa Liqasını tərk etmələrini xahiş edib.

A.Çeferin turnirin davam etdirilməsi üçün bunun vacib olduğunu klubların diqqətinə çatdırıb. Həmçinin qitə futbol qurumunun prezidenti İspaniya hökumətinin məsuliyyəti öz üzərinə götürdüyünü nəzərə alaraq, onları turnirdən kənarlaşdırılmayacaqlarına inandırmağa çalışıb. Amma İtaliya nəhənglərinin bu təklifdən imtina etdiyi iddia olunur.

Qeyd edək ki, Avropa Liqasının 1/8 final mərhələsində "İnter"lə "Roma"nın İspaniya təmsilçiləri "Xetafe" və "Sevilya" ilə səfər matçları koronavirusa görə təxirə salınıb.