BİZİM FUTBOL

Ölkəmizdə "Zirə" və "Səbail"də çıxış etmiş və hazırda karyerasını Kipr çempionatlnda davam etdirən əlcazairli yarımmüdafiəçi Bilal Həmdi sportinfo.az-a müsahibə verib. Cempion.az həmin müsahibəni sizə təqdim edir:

 

- Hazırda vətənindəsən yoxsa Kiprdə?

- Vətənimdəyəm

- Koronavirusla bağlı orda vəziyyət necədir?

- Digər ölkələrdə olduğu kimi Əlcazairdə də vəziyyə eynidir. Karantin elan olunub. Hər yer bağlıdır.

- Kiprə nə vaxt qayıtmağı düşünürsən?

- Çempionatın taleyi ilı bağlı xəbər gözləyirəm. Ondan sonra qayıdacam.

- Yeni klubunda işlərin necə gedir?

- İşlərim yaxşı gedir. Klub məndən razıdır.

- Ölkəmizdəki karyeran da pis alınmırdı. Niyə buranı tərk etdin?

- Mən ayrılmaq istəmirdim, amma pul problemi yaranmağa başladı və mən də ayrıldım

- Dəvət olunarsa, yenidən bura qayıtmağa hazırsan?

- Əlbəttə. Amma hazırda belə bir təklif yoxdur.

- Futbolumuzu izləmək imkanın olur?

- Bəli, izləyirəm. Orda hələ də dostlarım var. Buna görə də diqqət çəkən məqamları izləyirəm.

- Kipr çempionatı ilə Azərbaycan çempionatını müqayisə etsək, hansı daha güclüdür?

- Fərqli çempionatlardı. Azərbaycanda daha çox texnika və ağıl futboluna üstünlük verilir. Amma Kipr çempionatı daha güclüdür.