BİZİM FUTBOL

FİFA-nın ardınca UEFA da “yaz-payız” sisteminə keçirilməsini tövsiyə edəcək.

Cempion.az xəbər verir ki, qurum bununla bağlı bütün milli assosiasiyalar və liqalara tövsiyə məktubu göndərəcək.

Mayın 15-də göndərilməsi planlaşdırılan sənəd AFFA və Azərbaycan Peşəkar Futbol Liqasına da ünvanlanacaq. UEFA bütün daxili yarışların “payız-yaz” sistemindən “yaz-payız”a keçməsini məsləhət görəcək.

Qitə futbol qurumu koronavirus pandemiyası üzündən yarımçıq dayandırılan 2019/20 mövsümünün başa çatması üçün belə addımı məqsədəuyğun sayır. UEFA mövsümü avqust-noyabrda bitməsini, yeni futbol ilinin martda başlamasını istəyir.

Maraq üçün qeyd edək ki, Azərbaycanın ilk milli çempionatı da məhz yaz-payız sistemi ilə keçirilib və 1992-ci il mayın 5-də start götürüb. 2003-cü ildə də qısa müddətli yaz-payız sistemli mövsüm keçirilsə də nəticəsi tarixə salınmayıb.