DÜNYA FUTBOLU

İtaliya A Seriyasının rəhbərliyi gələn həftə təcili iclas keçirəcək.

Cempion.az "Football Italia" nəşrinə istinadən xəbər verir ki, mayın 13-də təşkil olunacaq iclasa klubların nümayəndələri də çağırılacaq.

Toplantıda koronavirus pandemiyasına görə dayandırılan 2019/2020 mövsümünün bərpası, həmçinin televiziya hüquqlarının yayımçılara verilməsinin nüansları müzakirə olunacaq.

Sonuncu toplantıda mövsümün sonadək keçirilməsi və klubların mayın 18-dən məşqlərə başlaması qərara alınıb.

Qeyd edək ki, A Seriyasının oyunları martın 11-də qeyri-müəyyən müddətək təxirə salınıb.