DÜNYA FUTBOLU

Futbol üzrə Danimarka Super Liqasının bərpa tarixi açıqlanıb.

Cempion.az yerli assosiasiyanın rəsmi saytına istinadən xəbər verir ki, çempionat mayın 28-dən davam edəcək.

Liqa XXI turdan təxirə salınmış "Orxus" - "Ranners" oyunu ilə start götürəcək. XXV turun qarşılaşmaları 29 may - 2 iyun tarixlərində keçiriləcək.

Superliqaya iyulun 26-da yekun vurulacaq. 3 gün sonra isə UEFA Avropa Liqasına vəsiqə uğrunda görüş baş tutacaq.

Qeyd edək ki, Danimarka Super Liqasına 24 turdan sonra 62 xalla "Midtyulland" başçılıq edir.