DÜNYA FUTBOLU

“Barselona” yay transferi pəncərəsi zamanı əksər futbolçularına gələcək təklifəri nəzərdən keçirməyə hazırdır.

Cempion.az “Marca” nəşrinə istinadən xəbər verir ki, yalnız 6 futbolçunun satılmayacağı qətiləşib. Bunlar Lionel Messi, Antuan Qrizmann, Frenki de Yonq, Mark-Andre ter Ştegen, Ansu Fati və Jerar Pikedir. Digər bütün futbolçular isə satıla biləcəklərindən xəbərdardırlar. Xüsusən onlardan hansısa Lautaro Martines (“İnter”) və ya Miralem Pyaniçlə (“Yuventus”) dəyişdirilə bilər.
 
Məlumata görə, “Barselona”lı Nelson Samedu “Mançester Siti”yə, Artur “Yuventus”a, Jan-Kler Todibo isə “Everton”a keçməyə yaxındır.