DÜNYA FUTBOLU

İtaliya A Seriyasında dəyişiklik ola bilər.

Cempion.az "La Repubblica" nəşrinə istinadən xəbər verir ki, əgər yeni mövsümə sentyabrın 12-si start verilməsə, dəyişiklik baş verəcək.

Liqa rəhbərliyi çempionatı 10 klubdan ibarət iki hissəyə bölmək istəyir. Bundan sonra ən yaxşı komandalar pley-off mərhələsində qarşılaşacaqlar. 

Daha öncə İtaliya Futbol Federasiyasının prezidenti Qabriele Qravina yeni mövsümə sentyabrın 12-də başlaya bilməyəcəkləri təqdirdə dəyişiklik edəcəklərini söyləyib. 

Qeyd edək ki, mart ayında koronavirus pandemiyasına görə dayandırılan İtaliya A Seriyası iyunun 20-də bərpa olunacaq.