DÜNYA FUTBOLU

“Deloitte” şirkəti İngiltərə Premyer Liqası klublarının koronavirus səbəbiylə cari mövsümdəki itkilərini hesablayıb.

Cempion.az xəbər verir ki, araşdırmaya görə, klublar pandemiya səbəbiylə 1 milyard funt-sterlinqlik itki yaşayıb. Klubların oyunların yayımlanmasından 500 milyon funt-sterlinq itirdiyi bildirilir.

Daha əvvəl “Mançester Yunayted” koronavirusla bağlı dəyən zərərin 28 milyon funt-sterlinq olduğunu açıqlamışdı.

Hesablamalara görə, Premyer Liqa klubları 2018-19-cu illər mövsümündə rekord məbləğdə – ümumilikdə 5 milyard funt-sterlinq gəlir əldə etmişdi.

Premyer Liqada oyunlar mart ayında dayandırılıb və mövsümün bərpasından sonra qarşılaşmalar azarkeşsiz keçiriləcək.