şənbə, 18 sentyabr 2021

BİZİM FUTBOL

Samir Abasov: "Əlbəttə onlar üçün Samirin getməyi yaxşıdır"

12.09.2021 23:41 Oxundu 178


"Start heyətdə 5 azərbaycanlı futbolçu olmalıdır. Bu, zərurətdir. Famil Camalovu bu səbəbdən görüşün əvvəlində meydana buraxdım. İki hücumçudan birini oynatmalıyıq. Familə inamımız itmir. Təki oyunçular çox olsun və biz baş sındıraq ki, kimi oynadaq". 

"CEMPİON.AZ" xəbər verir ki, bu sözləri “Neftçi”nin baş məşqçisi Samir Abasov Azərbaycan Premyer Liqasının 3-cü turunda “Qarabağ”la keçirilən oyundan (1:2) sonra təşkil edilən mətbuat konfransında deyib.
Abasov rəqibin birinci qoluna səbəb olan İsmayıl Zülfüqarlının səhv etməsi barədə danışıb: "Niyə ona şans verməyək? İsmayıl necə böyüsün və İnkişaf etsin? Çempionatdakı limit məsələsi də nəzərə alınmalıdır. Başqa kimi oynada bilərəm?" 
Abasov rəqib azarkeşlərin onu istefaya səsləməsi haqqında bunları diqqətə çatıdırıb: "Onlara meydanda verdiyim cavab ağır idi. Onu burada mətbuata deyə bilmərəm. Onların belə etməsi mənim üçün yaxşıdır. Samir 7 il sonra gəldi və onların əlindən çempionluğu aldı. Əlbəttə onlar üçün Samirin getməyi yaxşıdır". 
Baş məşqçi oyunçuların təcrübəsizliyinə görə rəqibdən geri qaldıqlarını deyib: "Birinci hissəyə pis başlamadıq. Səhvdən sonra heç nədən qol buraxdıq. Qol buraxandan və səhv edəndən sonra oyun dəyişir. İndi nəsə demək çətindir. Bəzi oyunçuların belə oyunlarda təcrübə yığmadılar. Birinci və ikinci hissə tamam fərqli idi. Mərt Çelik ikinci hissədə daha yaxşı oynadı. Mənim birinci yarı bitəndən sonra ona yaxınlaşmağım futbolçuya təzyiq yaratmadı. Yusuf Lavalın üstündə çox durmuşduq. Onun oyununun alınmamağı rəqiblə bağlı idi. Həmin bölgədə futbolçumuza rahatlıq vermədilər. "Makkabi" ilə səfər oyunu istisna hər matçda qol vururuq. Bəlkə bu gün bir az tələsgənlik oldu deyə yeni transfer Maçedo qol vura bilmədi". 
Abasov Premyer Liqadakı limitin əleyhinə olduğunu söyləyib: "Klub rəhbərliyi ilə danışıb limit məsələsini qabartmağa çalışacağam. Fikirləşirəm ki, limit götürülsə, Azərbaycan futbolu üçün yaxşı olacaq. Kim güclüdürsə, o da oynamalıdır".