BİZİM FUTBOL

Bu gün Topaz Premyer Liqasının II turunda daha bir oyun baş tutub. Günün tək qarşılaşması Gəncədə keçirilib. Mövsümə uğursuz start verərək son iki sırada qərarlaşmış “Kəpəz” və AZAL birincilərin meydanında münasibətlərinə aydınlıq gətiriblər. Avroliqadakı uğursuz çıxışdan sonra çempionata da məğlubiyyətlə start verən Şahin Diniyevin yetirmələri ardıcıl 3 məğlubiyyətdən sonra ilk qələbəsini qazanmağa çalışsa da, paytaxt təmsilçisinin müqavimətini qıra bilməyib – 0:0. İlk turda “Neftçi” ilə oyunda istədiyi nəticəni əldə edə bilməyən “təyyarəçilər” isə çətin səfərdən 1 xalla dönmək vəzifəsinin öhdəsindən gəlib.

Topaz Premyer Liqası

II tur

13 avqust (şənbə)

“Kəpəz” – AZAL - 0:0
Hakimlər: Əliyar Ağayev, Zeynal Zeynalov, Rza Məmmədov, Yaşar Abbasov
Əlavə köməkçi hakimlər: Rauf Cabbarov, İnqilab Məmmədov
AFFA nümayəndəsi: Eldar Qasımov
Hakim-inspektor: Şahin Cəfərov
Gəncə şəhər stadionu

“Kəpəz”: 88. Tadas Simaitis, 18. Tural Axundov (k), 25. Şəhriyar Əliyev, 36. Renan Silva, 13. Şəhriyar Rəhimov, 5. Kərim Diniyev, 77. Serjio Kosta, 19. Orxan Əliyev, 10. Dario Federiko, 17. Nicat Qurbanov, 90. Julien Ebah

Ehtiyat oyunçular: 1.Eyyub Əliyev, 23. Tural Nərimanov, 9. Tural Qürbətov, 80. Tural Rzayev, 6. Ceyhun Cavadov, 8. Elcan Rəhimov, 16. Emin Zamanov

Baş məşqçi: Şahin Diniyev

AZAL: 23. Aqil Məmmədov, 3. Tural Hümbətov, 4. Qvanzav Maqomedov, 2. Elşad Manafov, 24. Emin Cəfərquliyev (k), 14. İlqar Ələkbərov, 7. Kamal Mirzəyev, 77. Adan Koronado, 10. Nuqzar Kvirtiya, 9. Röyal Nəcəfov, 18. Ruslan Əmircanov

Ehtiyat oyunçular: 1. Rəşad Əzizli, 5.Kamil Hüseynov, 88. Mirzağa Hüseynpur, 19. Elnur Süleymanov, 21. David Canelidze, 27. Elton Hüseynov, 95. Şirməmməd Məmmədov

Baş məşqçi: Tərlan Əhmədov