BİZİM FUTBOL

Bu gün Topaz Premyer Liqasında III tura yekun vurulacaq. 3 oyunluq turun son matçında “Qarabağ” – “Neftçi” ilə qarşılaşacaq. Ölkə çempionatlarının daimi iştirakçılarının dueli ağdamlıların meydanında baş tutacaq. Hər iki komandanın ev oyunlarını keçirdiyi stadionun qazonunda problemlərin yaranması üzündən son illərin çempionlarının ikisi də “Əlincə Arena”ya sığınıb. Ağdamlılar bu oyunda qol sevinci yaşasa, ardıcıl 20-ci çempionat görüşündə meydanı fərqlənmədən tərk etməmiş olacaq.

UEFA Avropa Liqasının pley-off mərhələsinin ilk oyunları çərçivəsində “Höteborq” səfərindən məğlub dönən “Qarabağ”ın çalışdırıcısı Qurban Qurbanov cavab matçını nəzərə alaraq ciddi rotasiyaya əl ata bilər.

Bu isə “Neftçi”nin işinə yarayacaq.

Topaz Premyer Liqası

III tur

21 avqust (bazar)

20:00. “Qarabağ” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Mehman Mahmudov
Əlavə köməkçi hakimlər: Fariz Yusifov, İnqilab Məmmədov
AFFA nümayəndəsi: Mübariz Hüseynov
Hakim-inspektor: Murad Məmmədov
“Əlincə Arena”