BİZİM FUTBOL

Sabah Avropa Liqasının pley-off mərhələsinin cavab oyunları keçiriləcək. apasportun məlumatına görə, “Qəbələ” Sloveniyada “Maribor”un qonağı olacaq.Evdəki ilk görüşdə 3:1 hesabı ilə qalib gələn Roman Qriqorçukun yetirmələri yetirmələri bu üstünlüyü qorumalıdı. İndiyədək heç bir Azərbaycan klubu avrokubokların evdə keçirdiyi ilk oyununda bu hesabla qələbə qazanmamışdı.İlkin müəllifi olan “Qəbələ” üçün təmsilçilərimizə eyni hesabla qalib gələn rəqiblər nümunə ola bilər. Çünki indiyədək 4 dəfə Azərbaycan klubları ilk matçı səfərdə keçirib və 1:3 hesabı ilə uduzub. Qalib gələn rəqiblərimizdən heç biri bu üstünlüyü əldən verməyib. İki dəfə “Xəzər Lənkəran”, hərəyə 1 dəfə “Neftçi” və “Qarabağ” öz meydanında keçirdiyi cavab matçında “Maribor”un durumunda olub. Lakin onların heç biri cütün taleyini dəyişə bilməyib.

“Qarabağ”

Avrokuboklar tarixində 11 dəfə Azərbaycan klubu səfərdə keçirdiyi ilk matçda 0:1 hesabı ilə uduzub. Bunlardan sonuncusu Avropa Liqasının cari mövsümünün pley-off mərhələsinə təsadüf edib.İsveçdə “Höteborq”un qonağı olan “Qarabağ” Bakıya minimal hesablı məğlubiyyətlə dönüb. Ağdam təmsilçisi tarixində 2-ci dəfə öz meydanında 0:1-in əvəzini çıxmağa çalışacaq.Ötən il Çempionlar Liqasının III təsnifat mərhələsində də eyni aqibətlə üzləşən Qurban Qurbanovun yetirmələri Şotlandiya “Seltik”ini keçə bilməmişdi. Lakin səfərdən buraxılan tək qolla qayıtmaq təkcə “Qarabağ” deyil, ümumilikdə Azərbaycan klubları üçün uğursuzluqla nəticələnir. Çünki əvvəlki 10 belə hadisədən yalnız birində, yəni 10 faizində təmsilçimiz mərhələ keçib. Bunu da “Qəbələ” bacarıb. Ötən mövsüm Serbiyada “Çukariçki”yə uduzan “qırmızı-qaralar” öz meydanında 2:0 hesabına sevinib. Digər 9 dueldə isə rəqiblərimiz üstünlüyünü qoruyub. Hərçənd, bunlardan birində səfər qolu, birində isə penaltilər seriyası qonaqları sevindirib.