DÜNYA FUTBOLU

İspaniya La Liqasında 30-cu tura start verilib.

Cempion.az xəbər verir ki, ilk oyun günündə üç qarşılaşma keçirilib. Açılış matçında “Qranada” “Vilyarreal”ı qəbul edib. Bu görüşdə qonaqlar minimal hesabla üstün olublar. “Malyorka” – “Leqanes” matçında isə tərəflər hərəyə 1 qolla 1 xala razılaşıblar.

Lider “Barselona” bu turda çətin “Sevilya” səfərinə yollanıb. Bu görüşdə isə qapılara qol vurulmayıb.

Şənbə günü dörd qarşılaşma baş tutub. “Xetafe” – “Eybar” matçında qalib müəyyənləşməyib. “Atletik” “Betis”i, “Atletiko” “Valyadolid”i minimal hesabla üstələyib. “Espanyol” isə evdə “Levante”yə məğlub olub.

Madrid “Real”ı 30-cu tur çərçivəsində “Real Sosyedad”ın qonağı olacaq.

İspaniya La Liqası, 30-cu tur

19 iyun

''Qranada'' – ''Vilyarreal'' 0:1
Qol: Moreno, 11.

''Malyorka'' – ''Leqanes'' 1:1
Qol: Sevilya, 9 – Oskar, 87.

''Sevilya'' – ''Barselona'' 0:0

20 iyun

''Espanyol'' – ''Levante'' 1:3
Qol: D.Lopes, 28 – Mayoral, 14. Bardi, 67. Pedrosa, 87-öz qapısına.

''Atletik'' – ''Betis'' 1:0
Qol: Martines, 7.

''Xetafe'' – ''Eybar'' 1:1
Qol: Etebo, 30 – Çarles, 45+6.

''Atletiko'' – ''Valyadolid'' 1:0
Qol: Vitolo, 81.

21 iyun

16:00 ''Selta'' – ''Alaves''
21:30 ''Valensiya''' – ''Osasuna''
00:00 ''Real Sosyedad'' – ''Real''