DÜNYA FUTBOLU

İngiltərə Premyer Liqasında 30-cu tura start verilib.

Cempion.az xəbər verir ki, ilk oyun günündə iki qarşılaşma keçirilib. Turun açılış matçında “Norviç” “Sauthempton”u qəbul edib. Qonaqlar bu oyunda darmadağına seviniblər.

Turun maraqla gözlənilən qarşılaşması Londonda keçirilib. “Mançester Yunayted” paytaxtda “Tottenhem”in qonağı olub. Hesabı meydan sahibləri açsa da, “qırmızı şeytanlar” matçın sonlarında penaltidən vurduqları qol sayəsində məğlubiyyətdən xilas olublar.

Şənbə günü dörd qarşılaşma baş tutub. Səfərdə “Uotford”la qarşılaşan “Lester” xal itkisi ilə üzləşib. “Brayton”un qonağı olan “Arsenal” isə növbəti məğlubiyyətə üzülüb. “Vest Hem” evdə “Vulverhempton”a, “Bornmut” isə “Kristal Pelas”a uduzub.

Lider “Liverpul” bu turda əzəli rəqibi “Everton”la münasibətlərinə aydınlıq gətirəcək. “Çelsi” “Aston Villa”, “Mançester Siti” isə “Bernli” ilə qarşılaşacaq.

İngiltərə Premyer Liqası, 30-cu tur

19 iyun

''Norviç'' – ''Sauthempton'' 0:3
Qol: İnqs, 49. Armstronq, 54. Redmond, 79.

''Tottenhem''– ''Mançester Yunayted'' 1:1
Qol: Berqveyn, 27 – B.Fernandes, 81-pen.

20 iyun

Uotford – Lester 1:1
Qol: Douson, 90+3 – Çiluell, 90.

''Brayton'' – ''Arsenal'' 2:1
Qol: Dank, 75. Mope, 90+5 – Pepe, 68.

''Vest Hem'' – ''Vulverhempton'' 0:2
Qol: R.Ximenes, 73. Neto, 84.

''Bornmut'' – ''Kristal Pelas'' 0:2
Qol: Milivoyeviç, 12. Ayyu, 23.

21 iyun

17:00 ''Nyukasl'' – ''Şeffild Yunayted''
19:15 ''Aston Villa'' – ''Çelsi''
22:00 ''Everton'' – ''Liverpul''

22 iyun

23:00 ''Mançester Siti'' – ''Bernli''