DÜNYA FUTBOLU

İtaliyanın “İnter” klubunun müdafiəçisi Milan Şkrinyar 3 oyunluq diskvalifikasiya olunub.

Cempion.az xəbər verir ki, bu barədə İtaliya A Seriyasının rəsmi saytı məlumat yayıb.

Slovakiyalı futbolçunun belə ağır cəzaya məruz qalmasına onun “Sassuolo” ilə oyun zamanı baş hakimə təhqiredici ifadələr söyləməsi səbəb olub.

Qeyd edək ki, “İnter” A Seriyasının 27-ci turu çərçivəsində doğma meydanda qarşılaşdığı “Sassuolo” ilə oyunda 3:3 hesablı heç-heçəyə razılaşıb.