02.07.2020 12:47
482
"Beşiktaş" ikinci transferini tamamlayıb.
Cempion.az xəbər verir ki, İstanbul təmsilçisi Gürcüstanın "Dinamo" klubunun yarımmüdafiəçisi Nika Ninuanın transferini böyük ölçüdə həll edib.
"Ağ-qaralar" gürcü yarımmüdafiəçi üçün Tbilisi təmsilçisinə 700 min avro təzminat ödəyəcək. Nika Türkiyə klubunda illik 300-350 min avro maaş alacaq. 21 yaşlı futbolçu ilə 5 illik müqavilə bağlanacaq.
"Dinamo"nun yetirməsi ötən mövsüm 37 oyunda 8 qol vurub, 11 assist edib. O, ötən mövsüm Gürcüstanda ilin futbolçusu seçilib. Komandanın kapitanı bu mövsüm keçirdiyi 9 oyunda 2 qol vurub.
Qeyd edək ki, "Beşiktaş" daha öncə "Alanyaspor"un müdafiəçisi Fabris Nsakala ilə anlaşıb.