DÜNYA FUTBOLU

İtaliya "Yuventus"unun ulduz futbolçusu Kriştianu Ronaldu komandada qalacaq. 

Cempion.az "Tuttosport" nəşrinə istinadən xəbər verir ki, 35 yaşlı portuqaliyalı hücumçu Turin təmsilçisindəki gələcəyinə şübhə etmir və hazırda klubunu dəyişmək barədə düşünmür. Portuqaliyalı forvard "Yuventus"da qazana biləcəyi tarixi nailiyyətlər haqqında fikirləşir. O, komanda ilə Çempionlar Liqasının qalibi olmaq niyyətindədir. 

Qeyd edək ki, daha öncə Kriştianu Ronaldunun yay transfer dönəmində "Yuventus"dan ayrıla biləcəyi ilə bağlı xəbərlər yayılıb. 2018-ci ilin yayında İtaliya klubuna keçən hücumçunun müqaviləsi 2022-ci ilin yayında başa çatır.