ŞAHMAT

Norveçli şahmatçı Maqnus Karlsenin təşkli etdiyi Çempionlar Turunun üçüncü mərhələsində son 5 tur keçiriləcək.

“CEMPİON.AZ” xəbər verir ki, yarışmada ölkəmizi Teymur Rəcəbov təmsil edir.

Opera Euro Rapid"in görüşlərindən sonra pley-offa vəsiqə qazanan 8 şahmatçı müəyyənləşəcək.

Qarşılaşmalar Bakı vaxtı ilə 20:00-da başlayacaq. Rəcəbov Dinq Liren (Çin), Maqnus Karlsen (Norveç), Maksim Vaşye-Laqrav (Fransa), Uesli So (ABŞ) və Levon Aronyan (Ermənistan) ilə qarşılaşacaq.

Təmsilçimiz 10 oyuna 5,5 xal toplayıb. O, ermənistanlı Levon Aronyan və fransalı Maksim Vaşye-Leqravla birgə 5 - 7-ci yerləri bölüşür. Turnir cədvəlinə aktivində 7 xal olan norveçli Maqnus Karlsen liderlik edir. ABŞ təmsilçisi Uesli So və niderlandlı Aniş Giri 6,5 xalla 2-3-cü yerləri bölüşür. Rusiyalı şahmatçı Yan Nepomnyaşi isə 6 xalla 4-cü pillədə qərarlaşıb.

Qeyd edək ki, "Opera Euro Rapid"in ümumi mükafat fondu 100 000 ABŞ dollarıdır. Qalib 30 000 dollar qazanacaq.