DÜNYA FUTBOLU

İngiltərənin “Çelsi” klubunun yeni baş məşqçisi Tomas Tuxel transfer hədəfini müəyyənləşdirib.

“CEMPİON.AZ” xəbər verir ki, bir gün öncə 1,5 illik müqavilə imzalayan almaniyalı mütəxəssis yay fasiləsində sərəncamında görmək istədiyi ilk oyunçunun adını rəhbərliyə təqdim edib.

O, Dortmund “Borussiya”sının hücumçusu Erlinq Halandın keçidində maraqlı olduğunu bildirib. Temmi Abrahamdan narazılıq bildirməyən Tuxel yenə də hücum xəttinin gücləndirilməsinin vacibliyini vurğulayıb. Onun bu fikrini dəstəkləyən “zadəganlar” mövsümün sonunda Norveç millisinin üzvünün transferi üçün danışıqlara başlayacaq.

Qeyd edək ki, Erlinq Haland Avropanın digər nəhəng klublarının da transfer gündəmindədir.