DÜNYA FUTBOLU

"Yuventus”un baş məşqçisi Andrea Pirlo İtaliya kubokunun yarımfinalında “İnter”lə keçirilən görüşdə komandanın lideri Kriştiano Ronaldonu əvəzləməsini şərh edib.

“CEMPİON.AZ” xəbər verir ki, o, “Rai Sport”a açıqlamasında portuqaliyalı hücumçuya dincəlmək lazım olduğunu bildirib:

“Belə bir matçda komandaya kömək etmək üçün meydanda olmaq istəyi normaldır. Ancaq onun sözləşməsində oyundan çıxmayacağam deyə bir maddə yoxdur. Bizim üçün önəmli oyunçudur. 

Bəzi tənqidlərdən sonra performansını yüksək səviyyəyə çatdırdı. Ona dincəlməli olduğunu söylədim. Şənbə günü önəmli bir matçımız var. Ardıcıl bir neçə oyuna çıxıb. Ara-sıra bir az dincəlmək onun üçün yaxşı olar”.

Qeyd edək ki, Ronaldo dubl etdiyi görüşün 77-ci dəqiqəsində Paulo Dibala ilə əvəzlənib. O, meydandan çıxarkən Pirlonun qərarından məmnun görünməyib.