BİZİM FUTBOL

Qadınlardan ibarət Azərbaycan millisi bu gün Avropa çempionatının seçmə mərhələsində növbəti oyununa çıxıb.

“CEMPİON.AZ” xəbər verir ki, D qrupunda yer alan yığmamız 7-ci matçında İspaniya ilə qarşılaşıb.

“ASK Arena”da baş tutacaq görüşdə Siyasət Əsgərovun yetirmələri 4 aylıq fasilədən sonra meydana çıxıblar. Yığma komandamız nə az, nə çox 13 cavabsız qol buraxıb. İlk hissədə 6 qol vuran rəqib ikinci 45 dəqiqədə daha 7 qol vuraraq, 13:0 hesabı ilə qalib gəlib. Millimizin xal qazanmaq arzusu nöbəti tura qalıb.

 Qeyd edək ki, bu komandalar arasındakı ilk görüşdə yığmamız 0:4 hesabı ilə məğlub olub. Millimiz qrupda növbəti oyununu fevralın 23-də “ASK Arena”da Moldovaya qarşı keçirəcək.

Avropa çempionatı
Seçmə mərhələ, D qrupu
18 fevral

20:00. Azərbaycan - İspaniya - 0:13

Qollar: Ester Rodriqes, 21, 24, 30, 31, 87, Cenifer Hermoso, 33, 43, 67, 82, 90+3, Mariona Kaldentey, 57, Eva Navarro, 75, Neraya Eysagirre, 84

Hakimlər: Maria Marotta, Françeska Di Monte, Veronika Vettorel, Valentina Fintsi (hamısı İtaliya)
Bakı. “ASK Arena”
 

1	İspaniya	6	6	1	0	44-1	19
2	Çexiya	8	5	1	2	24-9	16
3	Polşa	7	4	2	1	16-2	14
4	Moldova	7	1	0	6	3-42	3
5	Azərbaycan	7	0	0	7	1-34	0